Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Inspektorati Fitosanitar i Agjencisë se Ushqimit dhe Veterinarisë të martën në Podujevë asgjësoj 29600 copë fidane mjedre, të infektuara me sëmundjen e kancerit të rrënjës ( Agrobacterium tumefaciens). Ngarkesa me material fidanor të mjedrës është importuar nga shteti i Serbisë, ka qenë për destinim për shitje në tregun e Kosovës. Fillimisht i është nënshtruar kontrollit të rregullt fitosanitar në pik kalimin kufitarë. Ka pasur gjithë dokumentacionin përcjellës të nevojshëm me të cilin dëshmohet gjendja shëndetësore e fidaneve. Gjatë inspektimit është dyshuar për gjendjen shëndetësore të tyre. Menjëherë është bllombuar ngarkesa për të kaluar në kontroll të detajuar të Inspektorëve Fitosanitar të brendshëm të AUV-së.
Gjatë kontrollit të detajuar sipas procedurave ligjore të ushtruar nga Inspektori Fitosanitar, janë vërejtur shenja klinike atipike për fidane të shëndosha, me këtë rast janë marrë mostrat për analiza ne sëmundjet në të cilat është dyshuar, në të njëjtën kohë biznesit i është dhënë urdhër se, fidanet nuk mund ti nxjerrë ne treg për shitje deri në nxjerrjen e rezultateve nga laboratori. Analizat laboratorike kanë rezultuar pozitiv në sëmundjen Agrobacterium tumefaciens (kanceri i rrënjës), sëmundje kjo e cila është e përcaktuar si sëmundje karantine dhe është e ndaluar me ligj për qarkullim në territorin e Republikës se Kosovës.
Ne secilin rast kur ka prezencë të sëmundjeve karantine tek bimët, inspektori nxjerr vendim për asgjësim të tyre, për të parandaluar përhapjen e sëmundjes dhe dëmtimin e fermerëve. Asgjësimi është kryer në prani të inspektorëve sipas kushteve për të realizuar shkatërrimin e plotë për të penguar ndotje fitosanitare. Subjekti afarist tregtar i është përmbajtur të gjitha urdhëresave të dhëna deri në shkatërrim të tyre. Ky është shembulli më i mirë për të dëshmuar qe autoriteti shtetëror nuk lejojnë fidane të sëmura të hyjnë ne treg, me të cilat do të dëmtoheshin fermerët tonë. Mbjellja e tyre lejohet vetëm kur fidanet i kalojnë të gjitha kontrollet dhe dëshmohet se janë të shëndosha.
