Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtarët doganor kanë thënë se të hyrat doganore janë rritur për 200 milion euro krahasuar me periudhën e njëjtë të vitit paraprak. Ata kanë shtuar gjithashtu se ka edhe një rritje të ndjeshme të shtimit të eksportit për në vendet tjera përfshirë edhe Shtetet e Bashkuara të Amerikës. Zëdhënësi i Doganës së Kosovës, Adriatik Stavileci ka deklaruar për “Ekonomia Online” se periudha e të hyrave për vitin 2021 është ndoshta një nga periudhat më të mira që nga themelimi i Doganës. Deri tani kemi arrit të mbledhim mbi 412 milionë euro, të cilat nëse krahasohen me periudhën e njëjtë paraprake, nënkupton që kemi të hyra më shumë për 25 për qind. Një zhvillim tjetër më interesant për ekonominë, është rritja e eksportit. Në krahasim me vitin e kaluar, që viti i kaluar ka qenë një prej viteve më të mira të eksportit në Kosovë, ne tani jemi rreth 200 milionë euro mallra të eksportuar ndërsa vitin e kaluar kemi pas 116 milionë euro, që nënkupton se ka një rritje rreth 70 për qind. Kësaj rritje të eksportit i ka kontribuar statusi preferencial tregtar, që Kosova gëzon me Shtetet e Bashkuara të Amerikës, status ky që i lejon dërgimin e mallrave të liruara nga detyrimet doganore, me qëllim të promovimit të rritjes ekonomike në shtetet në zhvillim.
