Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja kroate, Kolinda Grabar-Kitaroviq i ka drejtuar një letër sekretarit të Përgjithshëm të Kombeve të Bashkuara, Ban Ki-Moon, përmes të cilës i ka shprehur zhgënjimin e thellë për lirimin e Vojsllav Sheshelit nga Tribunali i Hagës. Ajo ka vlerësuar se ky vendim do të ndikojë negativisht në paqen, pajtimin dhe marrëdhëniet e mira fqinjësore në Evropën Juglindore. Kryetarja kroate ka tërhequr vërejtjen se ky vendim krijon një precedent negativ, pasojat e të cilit mund të shkojnë përtej Tribunalit të Hagës dhe të njollosin perceptimin e përgjithshëm të publikut botëror për kuptimin, qëllimin dhe kushtet e të drejtës penale ndërkombëtare. Grabar-Kitaroviq në letrën e saj nënvizon se dëshmitarët në rastin e Sheshelit janë frikësuar dhe u është dhënë ryshfet. Ajo ka vlerësuar se ky rast është një precedent i rrezikshëm për të gjitha konfliktet tjera të armatosura, në të cilën, siç thotë ajo, “objektivat ushtarake ndjekin zbatimin e gjenocidit dhe spastrimit etnik në bazë të ideologjive nacionaliste apo raciste dhe propagandës”. Ndryshe nga kryetarja e guximshme kroate, liderët politik në Kosovë dhe Shqipëri nuk dolën me një deklaratë publike për të dënuar vendimin skandaloz të Tribunalit të Hagës.
