Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Adil Behramaj, ish-këshilltar i ish-kryetarit Thaçi i ka reaguar kryeministrit Kurti për deklaratën e mbrëmshme në Bruksel ku tha se në rajon ka ende kriminelë lufte që janë kryetarë partishë. Me anë të një postimi në rrjetin social, Behramaj ka akuzuar Kurtin se ai e ka pasur fjalën për krerët e UÇK-së, Hashim Thaçin, Kadri Veselin, Rexhep Selimin e Jakup Krasniqin. “Në mes të natës, Albin Kurti i paska shpallur kriminel të luftës ish-udhëheqësit e UÇK-së. Ende pa filluar gjykimi i tyre në Hagë, Hashim Thaçin, Kadri Veselin, Jakup Krasniqin dhe Rexhep Selimin, të cilët i kanë nga 3 dekada kontribut për lirinë tonë, Kurti si kryeministër i paska barazuar në Bruksel me shërbëtorët e regjimit të Millosheviqit. Kryeministër i kujt është ky?!”, ka shkruar Behramaj. Tutje, ai ka thënë se Kurti ka konstatuar tërthorazi se Kosova ka kryer detyrimin për dërgimin e kriminelëve të luftës në burg.
