Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Po vazhdojnë diskutime të ashpra në Gjykatën Speciale mes avokatëve mbrojtës dhe Prokurorisë së Specializuar. Avokati i Kadri Veselit, Ben Emmerson, tha se po dalin parashikimet që ka bërë ai në të kaluarën, kur thoshte se pretendimi i Prokurorisë për të nisur gjyqin në shtator, ishte krejtësisht absurd, ani pse për këtë ai thotë se ishte akuzuar nga kryetarja e Gjykatës Speciale tek shefat e misioneve të BE-së. Madje tutje Emmerson tha se Specialja nuk ka asnjë juridiksion për gjykimin në këtë formë të krerëve të UÇK-së. Kjo pasi sipas tij, askund në aktakuzë, mirëpo as në prova nuk provohet se Veseli ka kryer krime. Në këtë konteskt, Emmerson tha se duke mos pasur akuza dhe prova nga Gjykata Speciale, në një situatë të tillë absurde, mbrojta s’ka as çka të hetojë. Duke u kthyer sërish në akuzat që i ka bërë Kryetarja e Dhomave të Specializuara, avokati i Veselit tha se pret që ajo të kërkojë falje.
