Gjendja stabile dhe rënie e numrit të të infektuarave në Viti

24/05/2021 Institucionet

Në komunën e Vitisë, aktualisht janë 12 raste aktive me Covid 19, ndërkohë që vetëm 2 raste të hospitalizuar, të cilët janë me gjendje jo të rënduar. Kryetari i komunës së Vitisë Sokol Haliti, në takimin e Këshillit Komunal për Mbrojtje dhe Shpëtim, ka thënë se gjendja aktuale sa i përket pandemisë, është stabile dhe numri në rënie i rasteve, është shpresëdhënës, por që duhet vazhduar me respektim të masave që janë në fuqi. Gjithashtu, u bë e ditur se do të filloj shpërndarja e 206 pakove që janë donacion nga Kombet e Bashkuara, prej të cilave 103 janë pako higjienike dhe 103 pako ushqimore. Edhe procesi mësimor është duke u zhvilluar normalisht dhe nuk ka raste të infektuarve as nga ana e personelit arsimor e as nga ana e nxënësve. Komandanti i stacionit policor në Viti, Kapiten Afrim Halili, njoftoi se masat anti covid mbesin në fuqi, sikur edhe ndalim qarkullimi prej orës 22:30, deri në një vendim të ri nga IKSHPK-ja dhe Qeveria e Kosovës. Ai theksoi se policia po vazhdon të monitoroj gjendjen, së bashku me të gjithë mekanizmat për ruajtjen e shëndetit dhe parandalimin e përhapjes së virusit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara