690 nxënës të klasave të nënta i janë nënshtruar testit të arritshmërisë në komunën e Vitisë

28/05/2021 Institucionet

Në Komunën e Vitisë, po mbahet sot testi i arritshmërisë për nxënësit e klasave të nënta, të cilët po i përgjigjen 100 pyetjeve që përmban ky testim. Drejtori i Arsimit, Basri Aliu, ka njoftuar se rreth 690 nxënës të klasave të nënta i janë nënshtruar testit të arritshmërisë dhe se ai po zhvillohet normalisht. “Ka filluar mbarë testi i arritshmërisë në komunën tonë, janë 4 qendra testimi tri në qytetin e Vitisë e një në Pozheran. Numri i nxënësve që kanë hyrë në këtë test është rreth 690, të cilët pas këtij testi, do të vazhdojnë regjistrimin e tyre në shkollat e mesme. Deri tani nuk kemi ndonjë parregullsi, kam vizituar dy shkolla, procesi po shkon mbar dhe janë duke u respektuar masat kundër virusit. Ministria e Arsimit, ka monitoruesit e caktuar dhe ne si drejtori, janë edhe mësuesit që janë duke mbikëqyrë. Në çdo klasë janë nga 15 nxënës”, ka thënë drejtori Aliu. Ai më tej shtoi se testi do t’i ketë 100 pyetje nga lëndët gjuhë shqipe, gjuhë angleze, matematikë dhe pyetje nga shkencat shoqërore dhe ato natyrore. Në drejtorinë komunale të Arsimit, thonë se këtë herë nuk do të jetë kriter kalimi, por që pikët e mbledhura do t’u shërbejnë nxënësve të orientohen për në shkollimin e mesëm. Ministria e Arsimit, Shkencës, Teknologjisë dhe Inovacionit, kërkon që çfarëdo parregullsi eventuale në qendrën e testimit, të raportohet me shkrim në DKA dhe në MASHTI.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara