Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministrja e Jashtme dhe zëvendësja e parë e Albin Kurtit, gjatë vizitës së diplomatëve Lajçak dhe Palmer në zyrën e saj, në Prishtinë, në tavolinën e pritjes kishte vendosur flamurin e BE-së dhe të Kosovës, por jo edhe flamurin e Shteteve të Bashkuara të Amerikës, duke lënë të nënkuptohet roli primar i BE-së në bisedime dhe jo “Amelika, Amelika”, sikur shprehej jo fort moti, Albin Kurti. Anashkalimi i flamurit amerikan në tavolinën e saj të pritjes, qoftë edhe i paqëllimshëm është një veprim i dënueshëm dhe tejet irritues, për shumë shqiptarë të Kosovës, të cilët respektojnë me pietet e ndershmëri kontributin madhor që ka kanë dhënë Shtetet e Bashkuara të Amerikës në çlirimin dhe ndërtimin e Kosovës. Nuk është kjo ”gafa” apo specialiteti i vetëm i zonjës Shvarc, e cila në selinë e OKB-së kishte paraqitur Serbinë si viktimë të Gjermanisë hitleriane, pa ditur as vetë se e kishte apo jo vendin një deklaratë e tillë në kohën dhe momentin e caktuar.
