Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Posta e Kosovës ka hapur një zyrë postare në hapësirat e Komunës së Rahovecit në të cilën qytetarët kanë mundësi të kryejnë pagesa të ndryshme me provizionin më të ultë në vend.
Marrëveshja është nënshkruar mes kryeshefit ekzekutiv Sejdi Hoxha dhe kryetarit të Rahovecit, Idriz Vehapi.
Kryeshefi i Postës dhe kryetari i Rahovecit janë shprehur të kënaqur që bashkëpunimi i sinqertë dhe profesional mes dy institucioneve ka rezultuar me një shërbim të dobishëm për qytetarët e kësaj komune.
Posta e Kosovës, e licencuar nga BQK për shërbimin financiar jobankar, ofron kryerjen pagesave për qytetarët e Kosovës, pa provizion ose me provizion shumë të ultë.
Me qëllim që të jetë sa më afër qytetarëve dhe të ju ofrojë shërbime sa më cilësore dhe sa më të lira, Posta e Kosovës deri më tash ka hapur zyra postare në disa objekte të komunave, si në atë të Prishtinës, Prizrenit, Mitrovicës dhe Gjilanit. Posta e Kosovës është gatshme të ofrojë të njëjtin projekt edhe për komunat tjera të Kosovës.
