leoni

Kryetari Haliti kërkon që kyçja e Vitisë në autostradën “Arbër Xhaferi” të realizohet sivjet

15/06/2021 Institucionet

Kryetari Haliti kërkon që kyçja e Vitisë në autostradën “Arbër Xhaferi” të realizohet sivjet.

Në Gërlicë paska dalë partia, për të amnistuar vendimin diskriminues të Qeverisë “Kurti 2” për anulimin e lidhjes së Vitisë, në këtë pikë, në Autostradën “Arbën Xhaferi”. Një zëvendësministër i shoqëruar nga disa deputetë të zonës dhe përfaqësues të bizneseve, qenka zotuar publikisht se kyçja do të bëhet vitin e ardhshëm, kurse sivjet do të përgatitet projekti ideor. Po ashtu, është e çuditshme kjo qasje që në takimet për lidhjen e komunës së Vitisë në këtë autostradë të mos jetë i pranishëm asnjë nga përfaqësuesit e institucioneve komunale të Vitisë. Kjo është hipokrizia e radhës, sepse vendimi për realizimin e këtij projekti ishte marrë nga Qeveria Mustafa dhe pastaj edhe nga Qeveria Haradinaj, i cili parashihte dy lidhje të reja: njëra për Ferizajn dhe tjetra për Vitinë. Nëse Qeveria Kurti dëshiron të lë përshtypjen se është e interesuar t’iu bëjë zgjidhjen banorëve dhe bizneseve të Komunës së Vitisë, nuk është dashur që nyjën në autostradë ta lidhë “nyje”. Komuna e Vitisë edhe më herët ka shprehur indinjatën që lidhja e kësaj komune në autostradë, nuk po merr epilog. Për më keq, projekti nuk është përfshirë në Kornizën Afatmesme Buxhetore të Qeverisë së Republikës së Kosovë. Anashkalimi i rreth 60,000 banorëve të Komunës së Vitisë dhe me mijëra biznese që operojnë në këtë komunë është i padrejtë. Nuk na interesojnë spektaklet mediale si ky i sotshmi, i zyrtarëve qeveritarë, por Komunës së Vitisë i nevojitet kyçja në Gërlicë. Presim që kjo çështje të mos zvarritet dhe të ndodhë gjatë këtij viti.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara