Komuna e Vitisë nderon me mirënjohje profesorët vitias

23/06/2021 Institucionet

Kryetari i komunës së Vitisë, Sokol Haliti, zëvendësi i tij, Hasan Aliu dhe Drejtori për Arsim, Basri Aliu kanë pritur sot në takim profesorët vitias që kanë pensionuar apo që pritet të pensionohen së shpejti. Gjatë këtij takimi kryetari Haliti, pos që i ka falënderuar ata për kontributin e dhënë ndër vite për edukimin dhe arsimin e gjeneratave të shumta si dhe ka ndarë mirënjohje për punën e tyre.
“ Arsimi është i shenjtë, prandaj duhet nderuar ata që kanë punuar në këtë fushë. Natyrisht që me mirënjohje nuk mund të shpaguhet mundi që keni bërë ju në edukimin dhe arsimin e gjeneratave të shumta por përmes saj ne dëshirojmë që në mënyre institucionale të ju falënderojmë me mirënjohje për punën e bërë ndër vite”, u shpreh kryetari Haliti. Përndryshe me mirënjohje sot u nderuan profesorët: Naser Bislimi, Luljeta Hajrullahu Berisha, Skënder Maliqi, Emrush Sejfullahu dhe Avdyl Misini. Të pranishëm në këtë takim ishin edhe drejtorët Nijazi Lutfiu, nga Shkolla e Mesme Profesionale “ Jonuz Zejnullahu” dhe Mujë Tafa, drejtor në Gjimnazin “Kuvendi i Lezhës” në Viti, pasi që këta profesor së fundmi kanë dhënë mësim në këto shkolla.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara