U mbajt mbledhja e pestë e rregullt e Kuvendit Komunal të Vitisë, me theks të veçantë u bisedua për Kornizën Afatmesme Buxhetore 2022-2024

29/06/2021 Institucionet

Kuvendi Komunal i Vitisë, ka mbajtur mbledhjen e pestë të rregullt. Në fillim të këtij takimi kryesuesi Naim Pira, i ka njoftuar këshilltarët e Kuvendit Komunal mbi vlerësimin e ligjshmërisë së akteve të fundit të nxjerrë nga kuvendi. Në këtë seancë fillimisht janë parashtruar disa pyetje për qeverisjen komunale të Vitisë, të cilët kanë marrë përgjigjen nga zv.kryetari i komunës së Vitisë, Hasan Aliu dhe drejtorët e drejtorive komunale. Zv.kryetari i komunës së Vitisë, Hasan Aliu ndër tjerash ka folur edhe mbi punën e komunës së Vitisë, duke theksuar se nuk qëndron konstatimi që ata po punojnë me ritëm të shtuar si shkak i fushatës. Ai tha se qeverisja komunale në Viti po realizohen vetëm planet dhe projektet të parapara qoftë edhe kontrata të vlefshme. Përndryshe, në këtë seancë janë shqyrtuar disa pika të rendit të ditës por vëmendje të veçantë ka marrë propozim vendimit për Kornizën afatmesme buxhetore (KAB), të Komunës së Vitisë 2022-2024. Ky dokument financiar është paraqitur nga Drejtori për Ekonomi, Financa dhe Zhvillim, Ibrahim Rama, i cili ndër tjerash tregoj se buxheti komunal parashihet të ketë rritje. Sipas këtij dokumenti financiar bëhet me dije se buxheti komunal i Vitisë për vitin 2021 do të shënoj rritje dhe atë prej 12.490,868€ në 13,069,494€. Rritje të buxhetit komunal të Vitisë, parashihet të këtë sipas këtij dokumenti deri në vitin 2024. Përndryshe KAB, është dokumenti kryesorë mbi bazën e të cilit hartohet buxheti vjetor për vitin 2022. Gjithashtu, në këtë seancë janë shqyrtuar dhe votuar me shumicë votash edhe këto propozim vendime: Propozim për shqyrtimin dhe miratimin e ndryshim-plotësim të rregullores për organizimin dhe bashkëpunimin e Komunës me fshatrat, vendbanimet dhe lagjet urbane të Komunës së Vitisë. Propozim për shqyrtimin dhe miratimin e propozim vendimit për mbështetje financiare për shpenzimet e strehimores “Liria” Gjilan, për një periudhë trevjeçare 2021- 2022-2023. Propozim për shqyrtimin dhe miratimin e propozim vendimit për themelimin e grupit punues, për hartimin e planit vjetor të punës së Kuvendit të Komunës së Vitisë për vitin 2022. Video xhirimi nga kjo seancë pritet të publikohet së shpejti në ueb faqen zyrtare të komunës së Vitisë dhe, në llogarinë në rrjetin social Facebook.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara