Në Lubishtë të Vitisë u bë zbulimi i pllakës në shtëpinë ku dikur delegatët e Kuvendit të Vitisë mbështetën Deklaratën Kushtetuese të 2 Korrikut 1990

02/07/2021 Institucionet

Me rastin e 31 vjetorit të shpalljes së Deklaratës Kushtetuese të 2 Korrikut, në fshatin Lubishtë të Vitisë, konkretisht në shtëpinë e familjes Ibrahimi është bërë zbulimi i pllakës në shtëpinë muze të familjes Ibrahimi. Në këtë pllakë shkruan se: “ Kuvendi i komunës së Vitisë në vitet e 90-ta në këtë shtëpi të familjes Ibrahimi nxori deklaratën për përkrahjen e pavarësisë së Kosovë e shpallur me 2 Korrik 1990”. Në zbulimin e kësaj pllake ka marrë pjesë edhe kryetari i Komunës së Vitisë, Sokol Haliti, ish këshilltarë komunal të asaj kohe, banorë të fshatit Lubishtë dhe të tjerë. Me këtë rast kryetari Haliti ka folur për rëndësinë e kësaj date të rëndësishëm për shtetin e Kosovës, duke potencuar se ky veprim i deputetëve të asaj kohe ishte themeltar i shtetësisë së Kosovës që më pas hapi rrugën për procese të mëtejme për shtetësinë e vendit tonë. Përndryshe në shenjë respekti per këtë datë të rëndësishëm sot në komunën e Vitisë, do të zhvillohen një varg aktivitetesh. Manifestimi qendror do të mbahet në fshatin Beguncë të Vitisë , ku edhe do të luhet finalja në futboll e turneut tash më tradicional i “2 Korrikut” .

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara