Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Demokratike e Kosovës po mban konventën e 10 të saj zgjedhore në të cilën do të zgjidhet kryetari i saj dhe strukturat udhëheqëse. Gjatë fjalës para të pranishmëve, ushtruesi i deritashëm i detyrës së kryetarit të saj, Enver Hoxhaj ka theksuar se Partia Demokratike e Kosovës ka lindur nga Ushtria Çlirimtare e Kosovës dhe nga burgjet e ftohta të Serbisë. Më vjen mirë që shoh figurat krijuese të Partisë, mirëpo më vjen mirë që shoh edhe të rinj, të cilët PDK-në nuk e shohin si pjesë të historisë, por edhe si ndërtuese të së ardhmes së Kosovës. Në vazhdim të fjalimit, Enver Hoxhaj foli edhe për ish drejtuesit e Partisë Demokratike të Kosovës duke theksuar se është i bindur se Kadri Veseli dhe Hashim Thaçi do të kthehen faqebardhë pasi që lufta jonë ka qenë e drejtë. Ata do t’i kthehen familjeve të tyre dhe PDK’së. Ne bashkëpuntorët e tyre jemi shumë krenarë me ta. Ata kurrë nuk e vendosën interesin personal mbi interesat e Kosovës.
