Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shkencëtarët kanë alarmuar se i nxehti ekstrem që mbretëroi kohë më parë në Kanada dhe shtetet e Bashkuara të Amerikës dhe përmbytjet e tashme në Gjermani, janë pasojë e ndryshimeve të jashtëzakonshme klimatike të shkaktuara nga aktivitetet e njeriut. Shkencëtarët e klimës kanë deklaruar se ata kanë parashikuar prej kohësh që emetimet e gazrave do të shkaktonin shumë përmbytje, valë të nxehtësisë, thatësira, stuhi dhe forma të tjera të motit të ligë, por vërshimet e fundit kanë tejkaluar edhe pritjet e tyre. Gazeta angleze “The Duardian” shkruan se intensiteti dhe përmasa e përmbytjeve në Gjermani këtë javë ka tronditur shkencëtarët të cilët përcjellin ndryshimet klimatike, dhe të cilët nuk prisnin që rekordet të thyheshin kaq shpejtë dhe kaq shumë, në një zonë kaq të gjerë. Në disa pjesë të Gjermanisë në të cilat zakonisht ka reshje prej 80 litrave gjatë gjithë muajit korrik, vetëm gjatë 48 orëve gjatë reshjeve të mëdha ranë 148 litra ujë shiu për 1 metër katror.
