Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Numri i viktimave nga përmbytjet e fundit në Evropë ka arritur në 193 ndërsa numri i atyre që konsiderohen të zhdukur, është me qindra. Ekipet e shpëtimin kanë deklaruar se janë të shqetësuar se numri i viktimave do të jetë edhe më i madhe pasi shumë nga të zhdukurit mund të kenë pësuar në mënyrë fatale nga përmbytjet. Radio Evropa e Lirë njofton se përveç katër shteteve të goditura më së keqi nga përmbytjet – Gjermania, Belgjika, Holanda dhe Luksemburgu – me përmbytje tani po përballen edhe Zvicra, Austria dhe Republika Çeke. Të paktën 156 persona kanë vdekur në Gjermani, në atë që është përshkruar si përmbytjet më të këqija në historinë e këtij shteti. Ndërkaq, numri i viktimave nga përmbytjet në Belgjikë ka arritur në 27. Nga ana tjetër, ambijentalistët, meteorologët dhe hidrologët vazhdojnë të alarmojnë se ndryshimet kaq dramatike të klimës, të nxehtit ekstrem dhe përmbytjet e jashtëzakonshme janë pasojë e ngrohjes globale në të cilën rol qenësor ka njeriu.
