Begaj priti drejtorin e kompanisë gjermane RTB GmbH, Rudolf Broher

26/04/2016 Institucionet

Kryetari i Komunës së Malishevës, z.Ragip Begaj, ka pritur drejtorin e kompanisë gjermane RTB GmbH & CO.KG, z.Rudolf Broher, me të cilin biseduan për mundësitë e investimeve në Malishevë, si dhe për mundësinë e ndihmës në sektorin social, përkatësisht në shëndetësinë e Komunës së Malishevës. Begaj dhe Broher, kanë vizituar disa nga institucionet lokale në Malishevë.

Kryetari Begaj, e falënderoi pronarin e RTB, Rudolf Borher, për vizitën në Malishevë dhe për interesimin e tij, si dhe për pritjen që kjo kompani i ka bërë delegacionit nga Malisheva, muaj më parë në Gjermani, ku në mesin e shumë vizitave, ishte edhe kjo kompani gjermane, e cila tashmë është e interesuar për ta përkrahur Malishevën.

Rudofl Broher, tha se është i interesuar të përkrahë sektorin e shëndetësisë, ndërsa në të ardhmen, planifikon të zhvilloj një projekt, përmes së cilit, do të sjellë në Malishevë, një delegacion të një grupimi prej 600 bizneseve të Gjermanisë, me qëllim të investimit në fushën e zhvillimit ekonomik dhe social.

Më pas, Begaj dhe Broher, kanë vizituar çerdhen e fëmijëve në Malishevë, QKMF-në, Handikos-in dhe Qendrën e Kompetencës “Kujtim Krasniqi”, ku është njoftuar lidhur me gjendjen në entet shëndetësore dhe arsimore, me qëllim të krijimit të një pasqyre për Malishevën dhe për nevojat që ka Komuna e Malishevës.

Kjo vizitë, është në vazhdën e bashkëpunimit të Komunës së Malishevës, me komunat gjermane dhe komunitetin e biznesit në Gjermani.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara