Komuna e Vitisë, mbajti diskutimin për planifikimin e buxhetit me sportistët vitias

27/08/2021 Institucionet

Në kuadër të diskutimeve publike që po mbahen në lokalitete të ndryshme të komunës së Vitisë, si dhe me kategori të ndryshme të qytetarëve, është mbajtur takimi me sportistët vitias, për planifikimin e buxhetit komunal për vitin 2022-2024. Drejtori i drejtorisë për Ekonomi, Financa dhe Zhvillim, Ibrahim Rama, tha se në planifikimin e buxhetit për 2022-2024, do të punohet me të gjitha kapacitetet për përkrahje në të gjitha kategoritë e sportit. “Kemi punuar dhe po punojmë, edhe në krijimin e hapësirave sportive, si: stadiumet, palestrën sportive, fushat sportive qoftë sintetike apo nëpër shkolla si dhe terene të ndryshme sportive”, tha Rama. Ndërsa drejtori për Kulturë, Rini dhe Sport, Milot Lala, tha se shoqëritë kulturore dhe sportistët vitias janë ambasadorët më të mire të qytetit të Vitisë. Ai, gjithashtu shprehi gatishmërinë, që të ju del në ndihmë në çdo formë të mundshme. “Ju jeni ambasadorët e qytetit të Vitisë. Në rastet kur ju keni nevojë, ne do të ju ndihmojmë me të gjitha mundësitë dhe në çfarëdo forme, nëse është e rëndësishme për zhvillimin e aktiviteteve. Kemi punuar, por natyrisht se kemi akoma nevojë që të investojmë në fushën e sportit”, ka thënë Lala. Ndërsa, në fund të këtij takimi pjesëmarrësit kanë parashtruar disa kërkesa dhe sugjerime, si: të përkrahet financiarisht qendra rinore, të rritet buxheti në fushën e kulturës, rinisë dhe sportit, të ngritët vetëdija e të rinjve për pjesëmarrje në Hiking, të krijohen më shumë shtigje për çiklizëm, konkretisht përgjatë fshatrave Tërpezë, Pozheran, Viti dhe Binçë. Gjithashtu, u kërkua të përkrahen edhe klube të ndryshme sportive për të rritur dhe fëmijë, nga të dyja gjinitë. Përndryshe, me këtë kjo komunë, ka përmbyllur ciklin e diskutimeve publike për planifikim të buxhetit. Ndonëse ishte paraparë që sot të mbahet edhe një takim i tillë me fermerët vitias, takimi nuk është mbajtur shkaku i numrit të vogël të pjesëmarrësve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara