Mbahet dëgjimi i pestë publik me banorët e Vendbanimit të Hani i Elezit

31/08/2021 Institucionet

Mbahet dëgjimi i pestë publik me banorët e Vendbanimit të Hani i Elezit; Fshatrat: Dimcë, Laç, Pustenik, Lagjet: Lagja e Re, Rana, Uji i Thartë, Meliq; si dhe Organizatat e shoqërisë civile, Komitetet konsultative lidhur me planifikimin e buxhetit për vitet 2022-2024. Në hapje të takimit, kryetari i Komunës së Hanit të Elezit Rufki Suma theksoi rëndësinë e debateve publike lidhur me planifikimin e buxhetit për vitet 2022-2024. Ai tha se në rrethanat e kufizimeve për shkak të pandemisë së koronavirusit jemi detyruar që këto tubime ti realizojmë me numër të kufizuar të pjesëmarrësve, megjithatë është me rëndësi që të marrim propozimet e komuniteteve dhe të njejtat ti propozojmë kuvendit për miratim

Ndërsa Shabi Rexhallari, Drejtor për Buxhet dhe Financa e bëri një prezantim të shkurtër mbi planifikimin e buxhetit për vitet 2022-2024 për komunën e Hanit të Elezit të ndarë nga Ministria e Financave, Punës dhe Transfereve sipas kufijve final buxhetor, ku theksoi se buxheti për vitin fiskal 2022 do të jetë në lartësi prej 2,759,758€, ndërsa parashikimet buxhetore për vitet 2023 do të jetë në lartësi prej 2,903,855€, respektivisht për vitin 2024 do të jetë në lartësi prej 3,039,398€. Nga ky buxhet që kemi për vitin 2022, shpërndarja është sipas pesë (5) kategorive ekonomike të shpenzimeve dhe atë si vijon: në paga dhe shtesa kemi 1,756,083€, për mallra dhe shërbime kemi 385,975€, për shpenzime komunale kemi 67,700€, për subvencione dhe transfere kemi 80,000€, si dhe për investime kapitale buxheti do të jetë në shumë prej 470,000€. Ndërkaq ai tha që buxheti për vitin 2022 në krahasim me vitin 2021 do të jetë më i madh për 239,592€ apo për 9.51%.

Ndërsa nga pjesëmarrësit u dhanë propozime dhe u parashtruan kërkesat e tyre buxhetore që kanë të bëjnë me infrastrukturë si rregullim të kanalizimeve atmosferike dhe fekale, rregullim dhe rihapje të disa rrugëve, si dhe propozime tjera në interes të komuniteteve.

Kontrolloni gjithashtu

U mbajt mbledhja e Komitetit konsultativ për persona me aftësi të kufizuara

Në prani të anëtarëve të Komitetit Konsultativ për Persona me Aftësi të Kufizuara, nën udhëheqjen …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara