Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Adil Behramaj, ish-këshilltar i ish-kryetarit Thaçi ka reaguar për manovrat politike të Vetëvendosjes së dhe kryetares Osmani për shtyrjen e zgjedhjeve lokale. Behramaj me anë të një postimi ka thënë se qeveria s’ua ndali dasmat mërgimtarëve për të shpëtuar jetë njerëzish, e tani po duan t’ua ndalojnë qytetarëve zgjedhjet për të shpetuar veten. “Me qindra qytetarë tanë, familjarë tanë, kanë vdekur prej Covid-19. Nga 20-30 qytetarë po na vdesin përditë. Vjosa Osmanit kurrë nuk i është dëgjuar zëri. Rehatinë e kishte më të rëndësishme se jetën e qytetarëve. Zvicrës i dha leksione për pandeminë, por jo edhe kryeministrit të saj. Qytetarët na vdisnin prej gabimeve të Qeverisë kur ministri Vitia hidhte vallen covidiane dhe kryetarja shijonte rivierën turke”, ka shkruajtur Behramaj. Ndërkaq marrë për bazë veprimet e kryetares Osmani, Behramaj e ka quajtur atë “notere” të Albin Kurtit.
