Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i Organizatës së Kombeve të Bashkuara, Antonio Guterres ka deklaruar se bota është drejt një rruge katastrofike për sa i përket ngrohjes globale. Duke iu referuar një raporti të Agjencisë së Kombeve të Bashkuara për Klimën në të cilin thuhet se pritet një ngrohje globale prej 2,7 gradë Celsius, ai ka tërhequr vërejtjen se “ky numër është duke thyer premtimin e bërë gjashtë vjet më parë për të ndjekur objektivin në 1,5 gradë Celsius të Marrëveshjes së Parisit. Dështimi për të arritur këtë qëllim do të matet në humbjen masive të jetës dhe mjeteve të jetesës”, ka theksuar Sekretari i Përgjithshëm i Organizatës së Kombeve të Bashkuara, Antonio Guterres. Kohë më parë, OKB ka paraqitur një raport klimatik mbi planet e bashkësisë ndërkombëtare për të zvogëluar emetimet globale. Sekretariati i Klimës i OKB -së theksoi se “kombet duhet të dalin me një plan më ambicioz nëse duan të parandalojnë që temperaturat globale të rriten mbi 1,5 gradë Celsius deri në fund të shekullit”.
