Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Aleancës për Ardhmërinë e Kosovës, Ramush Haradinaj, sot gjatë një konference për medie ka kritikuar Qeverinë Kurti për anulimin e projektit amerikan për gazin si dhe për marrëveshjen e arritur në Bruksel, për targat. Ai ka thënë se Kurti me këto veprime e fundit ka rrezikuar shtetin e Kosovës dhe ka shkelur betimin e tij si kryeministër. Ky njeri i ka plotësuar të gjitha kushtet për të dhënë dorëheqje, mbetja e tij në këtë detyrë është e rrezikshme për vendin. Unë me kohë e kam vërejtur se është i rrezikshëm për vendin. Kam një pyetje për presidenten e vendit, pse po hesht për refuzimin shtetëror të projektit amerikan të gazsjellësit, kjo heshtje e bën këtë goditje më të dhimbshme dhe më të frikshme. Ajo pati thënë që Kosova nuk ka refuzim, s’ka rrugë tjetër pos bashkëpunim me Amerikën, ka saktësuar kryetari i AAK-së, Ramush Haradinaj.
