Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e Kosovës, Vjosa Osmani ka raportuar në mbledhjen e Këshillit të Sigurimit të Kombeve të Bashkuara. Gjatë paraqitjes së saj ka pasur shumë replika me ministrin serb të Punëve të Jashtme, Seljakoviqin. Megjithatë ajo nuk ka replikuar me ministrin serb për akuzat që ai iu bëri krerëve të UÇK-së, e ish presidentit, Thaçi, të cilin e quajti “kasap i Ballkanit”. Për këtë rast ka reaguar ish-këshilltari i kryetarit, Hashim Thaçit, Ismail Syla në profilin e tij në “Facebook”. Syla ka thënë se “Lista “Guxo” ka prirje natyrore të gabojë ndaj vlerave të UÇK-së në mbledhjet e Këshillit të Sigurimit të OKB-së.”
Postimi i plotë i Ismail Sylës:
Lista “Guxo” ka prirje natyrore të gabojë ndaj vlerave të UÇK-së në mbledhjet e Këshillit të Sigurimit të OKB-së. Dje liderja “Guxo” lejoi pa replikë që liderët e UÇK-së të identifikohen me sintagmën “kasapë të Ballkanit”. Shprehja “kasap i Ballkanit” është prodhim autokton i politikës agresive të Millosheviqit, që terrorizoi gjithë popujt e Ballkanit, sllovenët, kroatët, boshnjakët dhe shqiptarët e Kosovës. Liderja “Guxo” nuk guxoi t’i mbrojë liderët e UÇK – së. Distancimi ndaj UÇK-së nuk kompenzohet me patriotizëm patetik.
