Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Serbisë, Aleksandar Vuçiq nuk ka hequr dorë nga projekti i Serbisë së Madhe, por ai po e udhëheq me metoda të ndryshme në mënyrë që të mbahet mend si “bashkues i vendeve serbe”, ndërsa Milorad Dodik dhe ambiciet e tij separatiste në Bosnjë dhe Hercegovinë duhen luftuar duke treguar forcën, thotë eksperti politik amerikan, Janusz Bugajski, ish-drejtor i Studimeve të Evropës Lindore në Qendrën për Studime Strategjike dhe Ndërkombëtare në kryeqytetin amerikan. Në fund të vitit të kaluar, Bugajski dëshmoi para Komitetit për Punë të Jashtme të Kongresit Amerikan, ku dha rekomandime për politikën e administratës së re për Ballkanin. Me atë rast, ai deklaroi se Marrëveshja e Paqes e Dejtonit nuk ishte krijuar për të qenë themeli i një shteti të integruar me një qeveri qendrore efikase, e cila çoi në pengesa, epërsinë e identitetit etno-kombëtar mbi ato qytetare dhe paralajmëroi për aspiratat separatiste të Republikës Serbe.
