Komuna e Hanit të Elezit më e mira në Indeksi i Transparencës Buxhetore të Komunave për vitin 2020

25/10/2021 Institucionet

Bazuar në indeksin e GAP-it për transparencë buxhetore, komuna e Hanit të Elezit është ranguar si komuna më transparente për vitin 2020 me gjithsej 100 pikë të mbledhura. Të gjitha dokumentet e vlerësuara me pikë në indeks janë publikuar në faqen zyrtare të komunës dhe pothuajse të gjitha janë në formatin “Excel”, i cili lejon qasje dhe përdorim të lehtë të të dhënave të publikuara. Komuna e Hanit të Elezit ka publikuar rregulloren për subvencione dhe kontratat e nënshkruara në formatin PDF i skanuar, por për shkak të përmbajtjes kryesisht tekstuale, këto dy dokumente vlerësohen njëjtë në të gjitha formatet. Komuna e Hanit të Elezit e ka publikuar Kartelën Analitike të Kontos, si një ndër dokumentet më të detajuara të shpenzimeve buxhetore. Po ashtu, komuna ka organizuar të paktën katër dëgjime buxhetore me qytetarët për buxhetin e vitit 2021. Kjo komunë është përgjigjur në kërkesat për qasje në informacione konform Ligjit për qasje në dokumente publike. ”Indeksi i Transparencës Buxhetore të Komunave 2020” ofron një vlerësim të transparencës buxhetore të komunave në Kosovë, duke i renditur komunat në bazë të performancës më të mirë. Vlerësimi bazohet në numrin e dokumenteve buxhetore të publikuara, organizimin e dëgjimeve buxhetore me qytetarë dhe përgjigjet në kërkesat e Institutit GAP për qasje në dokumente buxhetore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara