Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një nismë skandaloze është ndërmarrë në komunën e Dragashit, ku pjesëtarë të komunitetit goran po kundërshtojnë vënien e bustit të Komandantit Legjendar, Adem Jashari. Pavarësisht se Kuvendi Komunal me shumicë votash ka miratuar kërkesën e veteranëve të UÇK-së për vendosjen e bustit të Adem Jasharit në këtë qytet, goranët kanë nisur një peticion online kundër kësaj nisme. Komuniteti goran madje ka shpërndarë edhe thirrje provokative, duke kërkuar edhe nga të tjerët që të kundërshtojnë vendosjen e bustit të Adem Jasharit në Dragash. Komuniteti goran jeton në disa fshatra malore të krahinës së Gorës. Ai është një grup i veçantë etnik sllavisht-folës që është islamizuar gjatë Perandorisë Osmane. Prej përfundimit të luftës, Bullgaria dhe Serbia kanë zhvilluar aktivitete të pandalshme, duke mos kursyer as shuma të mëdha parash, me qëllim të përvetësimit të pjesëtarëve të këtij komuniteti. Fraksioni pro-serb në këtë komunitet ka fituar terren, sidomos pas krijimit të Listës ‘Srpska’, duke ngjallur ndjenjat anti-shqiptare në këtë komunitet.
