Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot para trupit gjykues në Gjykatën Speciale në Hagë ka dëshmuar suedezi, Daniel Moberg, oficer i sigurisë operative në Zyrën e Prokurorit, i cili ka thënë se më 8 shtator, bashkë me një anëtar tjetër të ZPS-së, një përkthyes dhe një vëzhgues, ka kryer sekuestrim e dokumenteve në OVL-UÇK-së. Sekuestrimin e kanë bërë me autorizim të gjykatës dhe një kopje të këtij vendimi ia kanë dorëzuar përfaqësuesit të OVL-UÇK, Faton Klinakut që sipas tij ka nënshkruar dokumentet e dorëzimit. Dëshmitari ka thënë se Klinaku ka vërejtur që dokumentet të cilat u ka dorëzuar zyrtarëve të ZPS-së, kanë qenë ato që kishin arritur në zyrat e organizatës nga një person ende i panjohur. Gjatë dëshmisë së tij, ai ka saktësuar se më 8 shtator i ka transportuar vet materialet e sekuestruar nga OVL-UÇK në zyrën e ZPS-së në Prishtinë. Suedezi Moberg thotë se nuk është i përfshirë në hetime veçse ndihmon në ngjarje të tilla, ndërsa u ka bërë me dije trupit gjykues se nuk ka njohuri rreth hetimit të Zyrës së Prokurorit që lidhet me rrjedhjen e dokumenteve. Daniel Moberg është pjesë e Zyrës ë që prej fillimit të punës së saj, ndërsa ka shtuar se më herët ka punuar edhe më Task Forcën Hetimore Speciale.
