Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në organizimin e Komunës së Vushtrrisë, sot u mbajt një ceremoni përkujtimore me rastin e 17-vjetorit të masakrës së Studimes. Në këtë ceremoni, ku morën pjesë qindra qytetarë, ishte i pranishëm edhe kryetari i vendit, Hashim Thaçi, kreu i AAK-së, Ramush Haradinaj si dhe deputetë të Kuvendit e Kosovës. Në fjalën e tij, kryetari Thaçi u shpreh se masakra e Studimes është dëshmia më e mirë sesa shtrenjtë është paguar çmimi i lirisë. Ai premtoi se shteti i Kosovës nuk do të ndalet deri në zbardhjen e plotë të krimeve të shkaktuara nga ushtria serbe. Përndryshe, masakra e Studimes është një nga masakrat më të rënda në Kosovë pas fillimit të bombardimeve të NATO-s ndaj caqeve serbe. Forcat paramilitare serbe me 2 maj, brenda dy orëve kishin pushkatuar 116 civilë shqiptarë, të cilët i kishin nxjerrë nga kolona e të shprëngulurve.
