Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dje në qendër të kryeqytetit, Laura Berisha, motra e Luan Berishës, ndaloi krerët e Qeverisë dhe u kërkoi informacione, për vrasjen e vëllait të saj. Ministri i Punëve të Brendshme, Xhelal Sveçla, nuk kishte folur para saj, por më vonë kishte deklaruar se Luan Berisha ishte vetëvra, pavarësisht se Prokuroria Themelore në Prishtinë nuk e pohon as e mohon asnjërin version, por është duke bërë hetime në koordinim me policinë, qysh prej shtatë muajve nga vrasja. Vrasja tani për tani konsiderohet e dyshimtë. “Luani u vra nga kriminelët që duan me vjedh shtetin e tyre dhe u vra në oborr të Doganës”, shkruante para shtatë muajve Laura Berisha në rrjetet sociale. “Luani u vra prej juve, nga Dogana e Kosovës, edhe i keni zhdukur edhe kamerat o kriminelë. A ka shtet këtu, kishte shkruar ajo në një postim të Doganës, kur ishte njoftuar për vdekjen e vëllai, Luanit. Në rrethana kurrë të sqaruara deri sot ishte vrarë (vetëvrarë) edhe drejtori i Agjencisë së Privatizimit, Dino Asanaj, për të cilin thuhet se ishte vetëvrarë duke e goditur veten me thikë, jo më pak se 11 herë, pavarësisht se ai kishte pasur revolen me leje.
