Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i Familjes Berisha, Flakron Sylejmani, ka reaguar kundër deklaratave të ministrit, Xhelal Sveçla, lidhur me vrasjen e Luan Berishës. Unë si avokat por edhe familja e të ndjerit, Luan Berisha, një deklarim të tillë e vlerësojmë të pa matur të dëmshëm dhe joprofesional. Konsiderojmë se deklarimet e tilla publike të zyrtarëve shtetëror e në veçanti të ministrit të Punëve të Brendshme, për rastet që janë ende në fazën e hetimeve nuk i kontribuojnë hetimit profesional dhe të pavarur si dhe zbulimit të veprave penale dhe kryesve të tyre. Deklarimet e tilla vetëm sa e komplikojnë dhe e vështirësojnë një hetim të drejtë dhe të pa ndikuar, veçanërisht kur një Ministër merr guxim për të bërë kualifikimin ligjor të një vepre. Kjo është kompetencë ekskluzive e organit të akuzës, e prokurorit të rastit, tha avokati, Flakron Sylejmani.
