Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në ankesën e mbrojtjes së Rexhep Selimit, i arrestuar një vit më Parë nga Gjykata Speciale, thuhet se gjyqtari paraprak i dha leje për të apeluar vendimin për çështjet e mëposhtme. “Nëse pretendimet për kontribut jo-kriminal të ndërmarrjes kriminale së përbashkët në aktakuzën e konfirmuar, e bën atë të dëmtuar ose është çështje e ligjit për t’u ngritur në gjyq; nëse Zyrës së Prokurorit nuk i kërkohet të përcaktojë në mënyrë specifike se cilat krime bien përfundimisht brenda qëllimit të përbashkët kriminal dhe cilat jo kur pretendon përgjegjësinë e ndërmarrjes së përbashkët kriminale, dhe në alternativë ndaj ndërmarrjes së përbashkët kriminale, saktësohet në parashtresën e mbrojtjes së Rexhep Selimit. Në ankesën e mbrojtjes thuhet se asaj iu ka dhënë leje të apelojë edhe për çështjen nëse Zyrës së Prokurorit i lejohet të pretendojë se çdo individ i përmendur në aktakuzë mund të jetë ose anëtar i ndërmarrjes së përbashkët kriminale ose një mjet i saj, nëse e deklaron këtë në alternativë. Aktakuza kundër Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.
