Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-ambasadorja e Kosovës në Shtetet e Bashkuara të Amerikës, Vlora Çitaku, duke komentuar dorëheqjen e Komandantit të FSK-së, gjeneral Rrahman Rama, ka thënë se ajo çfarë ka ndodhur javëve të fundit me FSK-në nuk duket normale. Ajo ka thënë se “në vend se të dekorohet, Gjeneral Rama dorëhiqet, pak pa e përmbyllur mandatin”. Çitaku, e cila aktualisht është nënkryetare e PDK-së, përmes një postimi, ka bërë përgjegjës ministrin e Mbrojtjes, Armend Mehaj, për dorëheqjen e Komandantit të FSK-së. “Ministri Mehaj ka bërë shkelje të rëndë edhe të ligjit, po edhe të marrëveshjes me Amerikën, duke kërkuar nga Komandanti i FSK-së që t’i japë asetet e FSK-së për shfrytëzim në operacione policore”, ka saktësuat zonja Vlora Çitaku. Në fund ajo ka thënë se “Gjeneral Rama e ka merituar të përcillet me nderime dhe ceremoni, sikurse që Gjeneral Jashari e ka merituar ta pranojë detyrën me ceremonitë që i takojnë një emërimi të tillë”.
