Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Samitin për Demokracinë, i cili është organizuar dhe po mbahen nën patronatin e Shteteve të Bashkuara të Amerikës, po marrin pjesë mbi 100 liderë botërorë, zyrtarë të shoqërisë civile dhe të sektorit kapitalist. Samiti po mbahet online për shkak të pandemisë, ndërkaq në fokus është lufta kundër korrupsionit në nivelin global, mbrojtja ndaj aktiviteteve autoritare dhe promovimi i të drejtave të njeriut. Në këtë samit, presidenti amerikan Joe Biden ka mbajtur një fjalim, ndërsa në ditën e parë të samitit fjalim ka mbajtur edhe zonja Vjosa Osmani. Në fjalimin e tij, kryetari Biden theksoi se trendët e demokracisë “gjerësisht janë duke shkuar në drejtimin e gabuar, prandaj, demokracia ka nevojë për kampionë”. Sipas presidentit amerikan, ripërtëritja e demokracisë kërkon “përpjekje të vazhdueshme”. “Demokracia nuk ndodh aksidentalisht. Ne duhet ta ripërtërijmë në çdo gjeneratë dhe sipas meje, kjo është çështje urgjente për të gjithë ne”, tha Biden.
