Filluan garat e matematicientëve të rijnë në komunën e Ferizajt

04/05/2016 Institucionet

Këtë të mërkurë në sallën e kuvendit të komunës së Ferizajt, u bë hapja zyrtare e garave të matematicientëve të rijnë .

Në këto gara po marrin pjesë nxënësit nga klasa e gjashtë deri në të nëntën. Hapjen zyrtare të këtyre garave e bëri drejtori i arsimit në  Ferizaj, Muhamet Halili i cili vlerësoi tejet lartë, këtë aktivitet arsimor.

“Kjo ngjarje paraqet momentet më të rëndësishme në jetën shkollore.  Nxitja  dhe kultivimi i frymës garuese, është njëri nga synimet dhe detyrat  e shkollave tona, sepse garat si koncept i sjellin përftimet e shumëfishta dhe bën aktivizimin e nxënësve në jetën e përditshme”, ka thënë drejtori Halili.

Ndërkaq organizatori i kësaj gare Agim Bytyqi, ka thënë se qëllimi i kësaj gare është që fituesit  nga klasa e shtate dhe e tetë dhe një vend i klasës së nëntë do ta përfaqësojnë komunën e Ferizajt në olimpiadën mbarëkombëtare që këtë vit do të mbahet në Vlorë.

Ndërsa profesori i universitetit, Xhevdet Thaçi, ka thënë se niveli i shkollimit në nivelin primarë, determinon në një formë edhe sukseset dhe zhvillimet në nivelin universitar.

“Nga shkollimi fillestarë dhe sukseset e këtij niveli, varen edhe kuadrot që do t’i kemi në të ardhmen në universitet. Andaj entuziazmi që shoh këtu është një dëshmi se katedra e shkencave kompjuterike respektivisht e shkencave matematikore në të ardhmen do të ketë nivel të lartë të studentëve”, ka thënë ai duke apeluar që të vazhdohet me këtë ritëm të përkushtimit.

Në këtë aktivitet morën pjesë profesorë universitar, mësimdhënës si dhe shumë prindër të cilët fëmijët e tyre po merrnin pjesë në këto gara. U bë e ditur se garat  e matematikës janë bërë tradicionale dhe nuk kanë më karakter komunal, por edhe mbarëkombëtar.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara