Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike, Lulzim Basha ishte i treti në radhë që u ngjit në podiumin kryesor të sallës së Pallatit të Kongreseve, në Tiranë për t’u betuar se në subjektin politik që ai drejton nuk do të ketë më njerëz që turpërojnë shoqërinë shqiptare. Lulzim Basha u prit me ovacione nga mbështetësit e tij dhe delegatët, të cilët iu drejtuan sallës, pas verifikimeve. Basha falenderoi të gjithë të ftuarit e pranishëm dhe parafolësit në Kuvendin Kombëtar. Për të, ky Kuvend, është përcaktues për Shqipërinë e të nesërmes. “Ne jemi Partia Demokratike e Shqipërisë, 31 vite, me suksese dhe dështime”, tha ai. Sipas tij, demokratët sot nuk janë mbledhur për t’i rrahur shpatullat njëri-tjetrit, as kryetarit. “Jemi mbledhur për të thënë të vërteta të cilat kemi kohë pa i shqiptuar”, u shpreh ai. Basha tha se konflikti me Sali Berishën i ka kushtuar shumë shtrenjtë demokratëve. I ka kushtuar shumë Partisë Demokratike dhe çdo anëtari dhe votuesi të saj”, tha ai.
