Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përkeqësimi gjendjes nga pandemia i ka shtyrë shumë shtete të Evropës të marrin masa për kufizime të reja. Mendohet se shkaktar më i madh për keqësimin e gjendjes është varianti i ri i virusit korona – omikron i cili menodhet se përhapet shumë më shumë se sa variantet paraprake. Kjo ka bërë që Holanda të hyjë në izolim kombëtar nga sot ( 19 dhjetor ) deri në mesin e janarit të vitit 2022. Rritja e jashtëzakonshme e rasteve të infektuara me virus ka bërë që edhe Britania e Madhe të shpall gjendjen e jashtëzakonshme. Ndërmarrjen e masave të reja për ta ndalaur përhapjen e jashtëzakonshme tp infektimeve nga virusi omikron janë duke shqyrtuar edhe shtete të tjera. Omicron fillimisht u identifikua në Afrikën e Jugut dhe që atëherë është përhapur në 89 shtete të botës. Organizata Botërore e Shëndetësisë e ka klasifikuar këtë variant si “variant shqetësues”. Pritet që më 21 dhjetor, edhe presidetni i Shteteve të Bashkuara të Amerikës, Xho Baiden të ofrojë detaje të reja lidhur me situatën epidemiologjike, teksa SHBA-ja po përballet me rritje të rasteve dhe me variantin Omicron.
