Krasniqi mbajti takim me përfaqësuesit e OJQ-ve rinore

20/12/2021 Institucionet

Në sallën e kuvendit të komunës të Malishevë është mbajtur takimi më OJQ-të rinore nën udhëheqjen e zyrtarit për rini të DKRS-së në Malishevë, Mehdi Krasniqi. Në takim është diskutuar për aktivitetet rinore të realizuara gjatë vitit 2021, për përzgjedhjen e më të dalluarve në aktivitete rinore për vitin 2021, për vullnetarizmin si dhe Kuvendi Zgjedhor i KVRL-së. Përfaqësuesit e OJQ-ve njoftuan për aktivitetet e realizuara, vështirësitë me të cilat janë përballur gjatë realizimit të aktiviteteve për shkak të pandemisë, këtë vit u theksua se ka pasur rënie të punës vullnetare nga aktivitetet rinore për shkak të gjendjes së krijuar nga pandemia, më tej nga përfaqësuesit e OJQ-ve u kërkua që të evidentohet puna vullnetare e të rinjve dhe atë në përputhje me UA Nr.01/2016 për Punën Vullnetare të të Rinjve. Për Kuvendin Zgjedhor të KVRL-së, përfaqësuesit e OJQ-ve prezent në takim kanë kërkuar që OJQ-të t’i dërgojnë nga një përfaqësues në Kuvend. U kërkua po ashtu që edhe përfaqësuesit e Këshillave të Nxënësve të tri shkollave të mesme të komunës së Malishevës që të përfshihen në përfaqësim dhe të njëjtit të jenë edhe përfaqësues të Kuvendit Zgjedhor. Për Kuvendin Zgjedhor të KVRL-së është kërkuar që të veprohet në përputhje me UA Nr.9/2010 për Përgjegjësitë dhe Procedurat e Themelimit dhe Funksionalizimit të Këshillave të Veprimit Rinor në Kosovë. Në fund, Kuvendi Zgjedhor i KVRL-së është vendosur që të mbahet gjatë dy javëve të ardhshme.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara