Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përmes një shkrese drejtuar KEDS-t, Kryeministrit të Republikës së Kosovës, Zyrës së Rregullatorit për Energji si dhe Ministrave përkatës, Oda e Afarizmit të Kosovës shprehu shqetësimin e lartë të bizneseve lidhur me problemet që po hasin si rrjedhojë e ndërprerjeve të vazhdueshme të energjisë elektrike, me të cilat po ballafaqohen periudhën e fundit. Si rezultat i gjendjes aktuale, bizneset përveç që po ballafaqohen me ndërprerje të energjisë elektrike, në shumicën e rasteve në momentin kur nuk ka ndërprerje, atëherë nuk punon sistemi tre fazor, e që i njëjti pamundëson punën e makinerive. Në shkresën drejtuar përfaqësuesve të Institucioneve vendore OAK informoi që një ditë më parë vizitoi biznese të veprimtarive të ndryshme siç janë ato prodhuese, tregtare e shërbyese dhe të gjitha unanimisht theksuan që sistemi tre fazor aktualisht nuk po funksionon. Mos funksionimi i rregullt i sistemit tre fazor, ka ndikuar që bizneseve të u pamundësohet kryerja e punëve, pasi që makineritë që ato përdorin kërkojnë energji stabile. OAK kërkoi nga Institucionet vendore që të evitohen me urgjencë ndalesat e sistemit tre fazore dhe reduktime minimale me paralajmërime javore për kufizimet e mundshme.
