Kryetari Kastrati dhe aktori Ibrahimi shpërndanë pako ushqimore për familjet në nevojë

29/12/2021 Institucionet

Kryetari i Komunës së Malishevës, Ekrem Kastrati dhe aktori Kreshnik Ibrahimi, sot kanë shpërndarë pako ushqimore, për disa familje ne nevojë. Këto pako ushqimore, janë siguruar nga një aktivitet humanitar që aktori e kishte mbajtur gjatë ditës së djeshme, në bashkëpunim edhe me komunën e Malishevës.

“Jam shumë i lumtur që në prag të festës së Vitit të Ri, bashkë me artistin me shpirt human, Kreshnik Ibrahimi, sot kishim mundësinë të shpërndajmë disa pako ushqimore për familjet me kushte të vështira ekonomike”, është shprehur kryetari Kastrati.

“Këto pako ushqimore për këto familje në Ngucat, Janqist, Drenoc e Rud, i kemi shpërndarë falë grumbullimit të mjeteve financiare që janë bërë mbrëmë nga shfaqja humanitare e Kreshnikut në Shtëpinë e Kulturës në Malishevë. I jam shumë mirënjohës Kreshnikut, bashkëpunëtorëve të tij dhe gjithë qytetarëve tanë që u bën pjesë e këtij organizimi human, që sado pak të gëzojmë këto familje në këto ditë festive”, tha Kastrati, duke e falënderuar aktorin e mirënjohur Kreshnik Ibrahimi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara