Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e 30 vjetorit të Ditës së Veteranit, ish-komandanti i Batalionit 4, i Brigadës 138 të UÇK-së, Pren Marashi ka shkruar: Tridhjetë vite më parë, më 30 dhjetor të vitit 1991, forca të shumta ushtarake e policore serbe, rrethuan shtëpinë e Komandantit, Adem Jashari, në Prekaz. Pikërisht para tridhjetë viteve, u dukën shkëndijat e para të një lufte të armatosur kundër pushtuesit serb.
“Vetëm të guximshmit nëpër kohë të ndryshme, i kanë ndërruar rrjedhat e historisë”.
Kështu ndodhi edhe me Adem Jasharin dhe luftën e shenjtë e të drejtë të Ushtrisë Çlirimtare të Kosovës. Ata që nuk luftuan dhe nuk morën pjesë në luftën çlirimtare të udhëhequr nga Ushtria Çlirimtare e Kosovës, me siguri që nuk e dinë rëndësinë e kësaj date.
Ishte Ushtria Çlirimtare e Kosovës ajo e cila kur ishin të gjithë të thyer dhe para dorëzimit që i tregoi botës dhe armiqve, se këto troje kanë dalazotës.
Të gjitha Familjeve të Dëshmorëve, Invalidëve dhe Veteranëve të vërtetë të luftrave çlirimtare, Urime Dita e Veteranit, thuhet në urimin për ditën e veteranit të komandantit të Batalionit të Katërt të Brigadës 138 të UÇK-së, gjatë luftës, Pren Marashi.
