Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ismajl Kurteshi e Haxhi Shala nuk janë më deputetë dhe nuk ka gjasa se ata do ta përsërisin veprën penale, madje edhe për faktin se tani në Kosovë, Kuvendin dhe Qeverinë e udhëheqin dy ideatorët dhe hedhësit e gazit, konfrontimin me policinë dhe bllokimin e punimeve të Kuvendit, sikur janë Albin Kurti, kryeministër, Glauk Konjufca, kryekuvendar, Albulenë Haxhiu, ministre e Drejtësisë, Xhelal Sveçla ministër i Brendshëm dhe gati të gjithë deputetët e Lëvizjes Vetëvendosje, që asokohe ishin në opozitë.
Shtyrja e gjykimit ishte bërë me qëllim të vjetërsimit të veprës penale, ndërsa aktualizim në momentin e tanishëm, kur ministre e Drejtësisë është Albulenë Haxhiu edhe vetë e akuzuar, bëhet me qëllim që sa më parë të mbyllet lënda kundër tyre duke i dënuar të gjithë me kusht dhe asnjërin me burg efektiv, edhe pse për vepra të tilla penale kudo në botën e qytetëruar dënimet janë të ashpra dhe rezultojnë edhe me pamundësinë për të qenë zyrtarë qeverie. Në Kosovën ku sundon anarkia, ku ligjin e shkel ai që e ka nxjerrë, ku edhe sulmi me armë kundër institucioneve, anashkalohet nga “drejtësia”, të gjitha këto tregojnë nivelin e sundimit të ligjit nga ata që zotohen dhe rrahin gjoks se Kosovës do t’ ia kthejnë “dinjitetin, ligjin e sigurinë”. (RKL)
