Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i ri i Shteteve të Bashkuara të Amerikës, Xhefri Hovenier, sot edhe zyrtarisht ka marrë detyrën e tij, në vendin tonë. Ai, edhe më parë ka luajtur një rol të veçantë në negociatat që përfundimisht çuan në shpalljen e pavarësisë së Kosovës. Në postin e ambasadorit emërua nga kryetari amerikan Joe Bajden në korrik të vitit 2021, pastaj u konfirmua dhe u mbështet unanimisht nga Senati, më 18 nëntor. Xhefri i ri kaloi pjesën më të madhe të fëmijërisë së tij në Bellingham, ku i ndoqi edhe mësimet në një shkollë publike në Bellingam. Ai diplomoi në shkollën e mesme në vitin 1983. Hovenier u diplomua në bachelor në universitetin “Brigam Jung” dhe pastaj përfundoi edhe studimet master në Universitetin e Xhorxhtaunit përpara se të fillonte karrierën e tij prej më shumë se tri dekadash si diplomat. Përveç Kosovës dhe Turqisë, ai ka shërbyer edhe në Gjermani, Kroaci, Greqi, Panama, Paraguai, Peru, Serbi dhe në Mal të Zi. Ai flet gjermanisht, greqisht, kroatisht dhe spanjisht dhe ka marrë çmime të shumta, duke përfshirë disa nga Qeveria e Kosovës. Në qershor të vitit 2018, ish-presidenti i Kosovës Hashim Thaçi e pati dekoruar diplomatin Hovenier me Medaljen Presidenciale Jubilare të Dhjetëvjetorit të Pavarësisë.
