Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zahe Bajrami nga Gjakova tregon kur 23 vjet më parë forcat serbe hynë në shtëpinë e saj dhe të tjerëve, në Osek Hilë, por vrasjen e bënë shqiptarët të veshur me uniformen serbe. Kjo e rëndon edhe më shumë dhimbjen e zonjës së shtëpisë, e cila pa me sytë e saj, Mushk Jakupin dhe Muharrem Ibraj duke ia vrarë bashkëshortin. “Unë them: “S’di qysh s’jemi tranu”, shprehet Zahe Bajrami. Është e rëndë për Zahe Bajramin, të flas për dhimbjen e madhe që kishte përjetuar mëngjesin e hershëm të 28 shkurtit 1999. I gjithë fshati Osekë Hylë i njohin babë e bir që u rreshtuan krah forcave serbe dhe jo vetëm ata. Mushk Jakupi e Muharrem Ibraj kishin edhe bashkëpuntorë të tjerë, të cilët për çdo mbrëmje i raportonin në detaje për ato që ndodhte në këtë fshat të Gjakovës. Hyrja e trupave të NATO-s, në Kosovë, detyruan këta dhe disa spiunë të tjerë të largohen nga Gjakova për t’u shpërngulur në Serbi, ku jetojnë edhe sot.
