Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka thënë se kryeministri i Kosovës, Albin Kurti mund të ketë interesa klienteliste për çështjen e energjisë. Përveç Kurtit, Haradinaj e ka përfshirë edhe një pjesë të opozitës, e cila, sipas tij, po hesht për sa i përket çështjes së ngritjes së çmimit të energjisë elektrike. Ai ka thënë se Kurti nuk do të mundet t’i shpëtojë reagimit qytetar nëse zbatohet shtrenjtimi i rrymës. Kryeministër, qytetari e ka kuptuar se çështja e energjisë mban erë, pavarësisht përpjekjeve tuaja për ta arsyetuar shtrenjtimin e rrymës. Nuk do të mund t’i shpëtosh reagimit qytetar në rastin e parë që ata i marrin faturat që nuk do të mund t’i përballojnë”, ka shkruar ish-kryeministri. Tutje, Haradinaj ka thënë se kryeministri Kurti ka shpenzuar dhjetëra miliona euro për pagesën e rrymës për qytetarët serbë në veri, e njëkohësisht, sipas tij, ka vazhduar ta subvencionojë blerjen e rrymës me dhjetëra miliona euro tjera të taksapaguesve. E me gjithë këto shpenzime enorme të parasë publike, Kurti ka vendosur ta shtrenjtojë energjinë për qytetarët, në një masë të papërballueshme.
