Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Ditën Ndërkombëtare të Përkujtimit të Holokaustit, kryetari i komunës së Ferizajt Agim Aliu ka kujtuar këtë ditë, ai me këtë rast ka thënë: Rikthehemi në kohë, në përkujtim të dramës njerëzore, kërcënimit dhe shfarosjes masive njerëzore ndaj popullit hebre nga nazizmi dhe fatit të përgjakur të shqiptarëve të Kosovës që përjetuan të njejtën mizori nga serbosllavizmi.
Ferizaj strehoi familje hebreje gjatë Luftës së Dytë Botërore. Nga hekurudha e Ferizajt u nisën trenat e deportimit drejt kampeve të shfarosjes, hebrenj nga Greqia e Maqedonia dhe pjesë tjera, në kujtim të të cilëve, vitin e kaluar ngritëm një pllakë përkujtimore në Stacionin e Trenit në Ferizaj.
Përkujtojmë gjithashtu edhe ferizajasin e shquar, prijëtarin e miqësisë Kosovë-Izrael, Kryetarin e Shoqatës Hebreje “Bet Israel”, Ruzhdi Shkodrën, që nuk jeton më mes nesh, por që me veprën e tij, kurajon e jashtëzakonshme, dha më të mirën për forcimin e avancimin e lidhjes mes popujve tonë.
