Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Inspektorët komunal në Malishevë, të prirë nga drejtoresha e Drejtorisë së Inspektoratit, Besartë Kryeziu-Ramaj, sot kanë bërë inspektim të përgjithshëm të furrave të bukës, ku përfshihet pesha, përdorimi i aditivit, higjiena, si dhe zbatimi i masave anti-covid, përfshi edhe vaksinimin e punëtorëve.
Gjatë këtij inspektimi është vërejtur se furrat në përgjithësi i zbatojnë standardet e deklaruara për bukën dhe prodhimet tjera që i shërbejnë, e po ashtu edhe pastërtia brenda hapësirave të gatimit dhe të shitjes ishin në rregull dhe brenda standardeve, si dhe zbatimi i masave anti-covid.
“Gjendja është e mirë në furrat e bukës dhe furrtarët i zbatojnë të gjitha rekomandimet, por ne si inspektorat në vazhdimësi do të bëjmë inspektimet e furrave, por edhe të marketeve, për produktet ushqimore, me qëllim të ruajtjes së shëndetit, por edhe ofrimin e shërbimeve cilësore për konsumatorët”, ka thënë drejtoresha Kryeziu-Ramaj, e cila gjithashtu ka përsëritur apelin e saj për konsumatorët, që sa herë që hasin në parregullsi, të informojnë inspektorët.
