Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetar i Komunës së Prizrenit, Shaqir Totaj, ka pritur në vizitë zyrtare, Shkëlqesisë e Saj, Ambasadoren e Francës në Kosovë, znj. Marie-Christine BUTEL me bashkëpunëtorë.
Kryetari, Totaj u shpreh se bashkëbisedimi më ambasadoren ishte shumë konstruktiv dhe qëllim kishte, intensifikimin e bashkëpunimit mes komunës së Prizrenit, ambasadës dhe shtetit mik të Francës për zhvillimin e jetës kulturore, artistike dhe turizmin në qytetin e Prizrenit.
Gjithashtu, në këtë takim u bisedua për “Javën e Frankofonisë” që do të mbahet gjatë marsit në qytetin e Prizrenit, aktivitet për të cilin kryetari, Totaj shprehu gatishmërinë t’i ndihmoj dhe t’i mbështes organizatorët me të gjitha kapacitetet që ka komuna.
Çështje shumë e rëndësishme e ngritur gjatë takimit ishte dhe mundësia e inicimit të procedurave për binjakëzim mes një qytet në Francë dhe Prizrenit, bashkëpunim i cili mund të ndihmonte në ngritjen e kapaciteteve kulturore, artistike dhe turistike të Komunës së Prizrenit.
Në fund të takimit, Shkëlqesia e saj, Znj. Butel, në emër të Ambasadës së Francës, u shpreh optimiste për urat e bashkëpunimit që mund të ndërtohen mes Ambasadës dhe Prizrenit.
