Komuna e Ferizajt pritet që të bashkëpunojë me shoqatën “Handikos” nga Gjilani

22/02/2022 Institucionet

Drejtori i Drejtorisë së Shëndetësisë dhe Mirëqenies Sociale në Ferizaj Kemajl Emini,  i shoqëruar nga bashkëpunëtoret e tij, gjatë ditës së sotme ka pritur në një takim  menaxherin e “Handikosit”, nga Komuna e Gjilanit Fatmir Shurdhani.

Qëllimi i takimit ishte koordinimi dhe bashkërenditja e veprimeve për ofrimin e shërbimeve sipas  projektit “Fuqizimi i reziliencës së personave të moshuar dhe personave me aftësi të kufizuara përmes lehtësimit të qasjes në shërbime publike dhe ofrimit të kujdesit psikologjik dhe mjekësor”,  ku përfituese e projektit të  UNDP –së është “Handikosi “ ne Gjilan.

Me këtë rast drejtori Emini,  ka shprehur gatishmërinë për mbështetjen rreth këtij projekti,  që është i një rëndësie shumë të madhe për personat me nevojë, ndërsa ka theksuar se në kuadër të objektivave të kësaj drejtorie dhe politikave sociale do të mbështesë personat me nevoja te veçanta si dhe të gjitha familjet që kanë nevojë.

Ndërsa menaxheri i “Handikosit” Fatmir Shurdhanit, ka thënë se projekt ju dedikohet  personave që  kanë nevojë për shërbime psikologjike-sociale, shëndetësore me theks të vecantë  personave që kanë nevojë të domosdoshme për trajtimin në fjalë,  si dhe ofrimi i shërbimeve do të jetë përmes klinikes mobile te “Handikos-it” ku përfituese do të jetë edhe Komuna e Ferizajt.

Në këtë takim u kërkua që të bëhet edhe një listë përmes Qendrës për Punë Sociale si dhe Qendrës së Mjekësisë Familjare që të paraqesin listën e klientëve që do të jenë të mundshme në marrjen e këtyre shërbimeve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara