Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Njohësi i marrëdhënieve ndërkombëtare, Blerim Reka ka deklaruar se pavarësisht qëndrimit të saj ndaj luftës mes Rusisë dhe Ukrainës, Serbia vazhdon të mbetet e përkëdhelura e Brukselit. “Dje Serbia refuzoi sanksionet e BE-së kundër Rusisë, për invazionin në Ukrainë. Tash tetë vite nuk i zbatoi as sanksionet për aneksimin rus të Krimesë. Ajo dje në mbledhjen e OSBE-së në Vjenë, mbeti me Rusinë dhe satelitët e saj, edhepse përfaqësuesit e BE-së, në shenjë proteste lëshuan takimin.Ndonëse shtet-kandidat që negocion anëtarësimin në BE, Serbia zbaton vetëm 43% të politikës së jashtme të BE-së. Përkundër kësaj, Këshilli Evropian, në samitin e fundit në dhjetorin e kaluar, shpërbleu vetëm Serbinë me hapje të kaptinave të reja negociuese! Serbia po dëshmon se është pjesë e Unionit Euro-Aziatik, por larg Unionit Evropian. Megjithatë mbetet e përkëdhelura e Brukselit” ka shkruar njohësi i marrëdhënieve ndërkombëtare, Blerim Reka.
