Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me aktivitete të ndryshme në Komunën e Malishevës, është shënuar 8 Marsi-Dita Ndërkombëtare e Gruas. Në këtë rast, kryetari i Komunës së Malishevës, Ekrem Kastrati, duke e vlerësuar si një ditë shumë të veçantë, ka thënë “Gruaja është shtylla e familjes dhe e kombit, prandaj duhet të fuqizohet roli i gruas në shoqëri”. Kryetari Kastrati, i shoqëruar edhe nga nënkryetari Krasniqi dhe kabineti qeveritar, fillimisht i kanë takuar gratë të cilat punojnë në administratën komunale dhe më pas edhe në Qendrën Kryesore të Mjekësisë Familjare “Dr.Shpëtim Robaj” në Malishevë dhe me këtë rast, i kanë uruar me rastin e 8 Marsit. “Ju shprehi mirënjohjen e veçantë për kontributin e juaj që e jepni në shoqëri dhe në familje, pasi ju jeni shtylla e familjes dhe e kombit. Uroj që të vijnë ditë më të mira për të gjithë, e veçanërisht uroj që gruaja, të jetë më e fuqizuar në të gjitha sferat e jetës”, ka thënë kryetari Kastrati. Më pas, nën organizmin e zyrtares për barazi gjinore, Vera Bytyçi, bashkë me drejtoreshën e Drejtorisë për Arsim dhe Edukim, Arbëreshë Krasniqi, shefen e kabinetit të kryetarit, Blerta Krasniqi dhe grupin joformal të grave asambliste, e kanë vizituar fabrikën e tekstilit në Kijevë, ku i kanë takuar gratë të cilat punojnë në këtë fabrikë.
